SEMINA YA MAFUNZO YA UBORESHAJI DAFTARI LA KUDUMU LA WAPIGA KURA YALIYOHUSISHA WAANDISHI WASAIDIZI NA BVR KITS OPERATOS YAFUNGULIWA LEO BUKOBA.

 Leo 19-5-2015 semina ya mafunzo ya maandalizi ya uboreshaji wa daftari la kudumu la wapiga kura yaliohusisha waandishi wasaidizi na BVR KITS OPERATORS yamefunguliwa katika Manispaa ya Bukoba na mgeni rasmi alikuwa msaidizi wa katibu tawala wa Mkoa wa Kagera Bw Seif Hussein, Katika hotuba ya ufunguzi mgeni rasmi  Bw Seif amewataka wanasemina wote kuzingatia mafunzo watakayoyapata ili kila mmoja aweze kutekeleza wajibu na majukumu yake katika kufanikisha zoezi muhimu sana la uandikishaji.(katika picha ni baadhi ya wanasemina)Mgeni rasmi Bw Seif Hussein

 Wanasemina.

 Bw Erick Bazompora ambae ni afisa uchaguzi akisisitiza jambo.

 Mashine zitakazotumika katika uandikishaji(BVR) ni kifaa cha kisasa ambacho huandikisha kwa kompyuta na kuchua alama za vidole,saini na upigaji picha kwa ubora wa hali ya juu ili kuondoa uwezekano wa wapiga kura kujiandikisha zaidi ya mara moja( na gharama ya mashine moja ni zaidi ya milioni kumi ya kitanzania).

  Bw George Herman Afisa (IT) akigawa vifaa kwa wanasemina.

 Kushoto ni  Bi Julieth John Afisa mwandikishaji  Jimbo, akiwa na  Bi Sarafina Rwegasira mwanasheria wa Manispaa.

 Bw Abdon Kahusa Afisa mwandikishaji msaidizi wa Jimbo.

A

 Afisa utumishi wa Manispaa akimkaribisha mgeni rasmi kufungua mafunzo.

 Wanasemina wakijitambulisha.

 Wataalamu kutoka tume ya Taifa ya uchaguzi.

 Wanasemina wakira kiapo.

Mwanasheria wa Manispaa akiwaapisha wanasemina.

ZOEZI LA UANDIKISHAJI DAFTARI LA KUPIGA KURA KUANZA RASMI 21-5-2015 KATIKA MANISPAA YA BUKOBA, VIONGOZI WAHIMIZA WANANCHI KUJIANDIKISHA

 Viongozi mbalimba wa kidini,serikari, vyama vya siasa na makundi mbalimbali wametoa wito na kuwaomba wananchi wanaoishi katika Manispaa ya Bukoba kujitokeza kwa wingi kwenye kata zao katika zoezi la uandikishaji katika daftari la kudumu la wapiga kura kwa mfumo wa BVR linaloanza 21-5-2015 mpaka 20-6-2015,kwa mujibu wa maelekezo kutoka ofisi ya Manispaa Bukoba zoezi la uandikishaji litakuwa likifanyika kwa awamu katika kata,Kata za Rwamishenye,Kagondo,Nyanga,Ijuganyondo na Kibeta ndio zitakazoanza zoezi la uandikishaji kwa kipindi cha wiki moja na kuamia katika kata zingine,Kwa nyakati tofauti wakati wa mahojiano ya kipindi maalumu kilichoandaliwa na Bukoba cable Tv wakishirikiana na Jamco video production kitakachorushwa 
BUKOBA CABLE TV viongozi wamewaomba wananchi wajitokeze kwa wingi.(katika picha ni Mchungaji  Elisha Bililiza msaidizi wa Askofu Angalikana.

 Katibu wa ccm Mkoa Kagera Bw Idi Ali  Ame amewataka wananchi wote katika Mkoa wa Kagera wajitokeze kwa wingi kujiandikisha.

 Bw Hamimu Mohamodu Katibu wa siasa na Uenezi Mkoa wa Kagera amesisitiza kila mtu ajiandikishe eneo analohishi ili kuondokana na usumbufu unaoweza kujitokeza kwa udanganyifu wa eneo unalohishi.

 Baba Askof Methodius Kilain amewataka wananchi kutumia haki yao ya msingi kujiandikisha kwa wingi ili waweze kuchagua viongozi wanaofaa,Amesema kila mmoja anapaswa kutambua kuwa anaowajibu wa kujiandikisha maana ni haki yake ya msingi.

 Mbunge wa Bukoba Mjini Balozi Khamis Sued Kagasheki amewaomba wananchi wote wake kwa waume,vijana wote wajitokeze kwa wingi wajiandikishe,Pia amewataka watu wasiwe na shaka ,serikali na vyombo vya usalama wamejipanga vizuri kuhakikisha kila mwananchi wa eneo husika anajiandikisha bila kubugudhiwa.

 Bw Nelson , Mwendesha tax akitoa maoni yake.

 Bw Ramadhani Kambuga, nae akisisitiza jambo katika mahojiano.

 Katibu Mkuu wa KKKT Mch Elmereck Kigembe,amewakumbusha wananchi kuwa kuchagua viongozi ni wajibu wa kila mtu, sasa tumia fursa ya kujiandikisha ili badae uweze kutoa maamuzi.

Jamcobukoba.blogspot.com ikishirikiana na Bukoba cable Tv tunawashukuru wote waliotupa ushirikiano.

BALOZI KAGASHEKI ATIMIZA OMBI LA MWENYEKITI WA MTAA WA CHADEMA.

 Mbunge wa jimbo la Bukoba Mjini Balozi Khamis Sued Kagasheki ametimiza ombi la mwenyekiti wa mtaa wa chadema kata ya kitendaguro Bwana Mweyunge Paulo Erasto,Katika nkutano wa hadhara wa Mbunge katika kata ya kitendagoro ,Bw Mweyunge alisimama akamuomba mbunge asaidie kuwapatia tochi,filimbi na betri kwa ajili ya kusaidia katika zoezi la ulinzi shirikishi katika kata hiyo kutokana matukio ya uharifu yaliyokuwa wamejitokeza kwa kasi kubwa katika kata ya Kitendaguro na Kibeta,Bw Mweyunge alimueleza mh Kagasheki kuwa pamoja na jeshi la polisi kujitahidi kupambana na waharifu, lakini pia wao katika mitaa saba ya kata Kitendaguro wananchi wameweka utaratibu wa kuzunguka usiku kucha kuhakikisha usalama wa wananchi unakuwepo.(Katika picha msaidizi wa Mbunge Bw Jumanne Bingwa akikabidhi vifaa kwa niaba ya Mbunge Kagasheki)

 Viongozi wa Kata Kitendaguro wakipokea vifaa.

 Mtendaji wa Kata ya Kitendaguro Bi Mary (gauni la njano) akipokea vifaa.

 Ofisi ya Kata .

Endelea kuangalia jamcobukoba.blogspot.com

MKAPA AWATAKA WAKANDARASI NCHINI KUFANYA KAZI KWA KUZINGATIA WELEDI.

RAis mstaafu wa awamu ya tatu Mhe. Benjamin Mkapa akifungua Mkutano wa mwaka wa Bodi ya Usajili wa Wakandarasi leo jijini Dar es salaam

Rais mstaafu wa awamu ya Pili Mhe.Benjamin Mkapa akiwa katika picha ya pamoja na wajumbe wa Bodi ya Usajili wa Wakandarasi (CRB).

Rais mstaafu,Benjamin Mkapa akiwa katika picha ya pamoja na wawakilishi/wakandarasi waliofanya vizuri na kupewa zawadi mbalimbali na vyeti na Bodi ya Wasajili wa Wakandarasi (CRB).

Baadhi ya Wahandisi waliohudhuria mkutano huo wakiapishwa leo jijini Dar es Salaam.

Washiriki wa mkutano huo wakifuatilia masuala mbalimbali. Picha/Aron Msigwa -MAELEZO.

Na.Aron Msigwa -MAELEZO.
14/5/2015.Dare es salaam.
Rais Mstaafu wa awamu ya tatu Mhe.Benjamin Mkapa amewataka Wakandarasi kote nchini kufanya kazi zao kwa weledi na kuzingatia sheria, kanuni na taratibu zinazosimamia Sekta ujenzi ili miradi wanayoisimamia na kuitekeleza iweze kuwa na manufaa kwa taifa.

WAZIRI WA AFYA AIPONGEZA MUHIMBILI KUFANIKISHA MATIBABU YA MOYO KWA WATANZANIA

Waziri wa Afya na Ustawi wa Jamii, Mh. Dkt. Seif Rashid ameipongeza Hospitali ya Taifa Muhimbili kupitia Idara yake ya Tiba na Upasuaji Moyo kwa kufanikisha matibabu ya moyo kwa wagonjwa 24 katika kipindi cha siku nne.
Hayo ameyasema alipotembelea Hospitali hiyo kuona namna ambavyo wataalam wetu kwa kushirikiana na madaktari bingwa kutoka Hospitali ya Prince Sultan Cardiac Centre iliyoko Riyadhi nchini Saudi Arabia ambao wamekuwepo Muhimbili toka tarehe 9 Mei na wanatarajiwa kuondoka tarehe16 Mei, mwaka huu.
Dkt. Rashid amesema ni mfanikio makubwa sana ambayo tumefikiwa hadi hivi sasa katika upasuaji moyo na tunatarajia kasi hii ya ushirikiano ikiendelea tutapunguza kwa kasi sana wagonjwa wanaopelekwa nje ya nchi kwa ajili ya matibabu.

“Kama ndani ya siku nne tu mmeweza kuziba matundu ya moyo kwa watoto 12 bila kufungua kifua na mkaweza kufungua vifua vya watoto wengine 12 ambao kutokana na hali zao walihitaji kufunguliwa vifua, mmenipa moyo sana kwamba mmejidhatiti kuhakikisha Watanzania wanapata huduma hii kwa haraka na kwa ufanisi wa hali ya juu, nawapongezeni sana” amesema Dkt. Rashid.

Waziri wa Afya na Ustawi wa Jamii Dkt. Seif Rashid akiwa na mtoto ambaye anasubiri kufanyiwa uchunguzi wa kina kama anahitaji upasuaji wa moyo au la.

mtoto Catherine Gwabala (6) alikuwa wodini jumamosi iliyopita akisubiri kufanyiwa upasuaji.

Mh. Waziri wa Afya na Ustawi wa Jamii Dkt. Seif Rashid akimjulia hali leo baada ya kufanyiwa upasuaji. Kushoto kwake ni mama Catherine akifurahia baada ya mtoto wake kufanyiwa upasuaji.

Waziri wa Afya na Ustawi wa Jamii, Dkt. Seif Rashid ambapo kulia kwake ni Kaimu Mkurugenzi Mtendaji wa Hospitali ya Taifa Muhimbili Dkt. Hussein Kidanto wakiwa ndani ya Chumba chenye mtambo wa Cath Lab ambao unatumika kuzibua mishipa ya damu inayopeleka damu kwenye moyo iliyoziba na pia mtambo huu pamoja na mambo mengine umetumika kwa mara ya kwanza kuziba matundu ya moyo bila kufungua kifua. Mtoto huyu ambaye jina lake limehifadhiwa anasubiri kuzibwa tundu kwenye moyo wake kwa kutumia mtambo wa Cath Lab. Ndani ya siku tatu ataruhusiwa kwenda nyumbani.

Hapa ni ndani ya chumba chenye vifaa vya kisasa kabisa kwa ajili ya wagonjwa wenye kuhitaji uangalizi maalumu (ICU) ambapo mtoto aliyefanyiwa upasuaji anaangaliwa.

Jopo la wataalam wakiwa ndani ya chumba cha kisasa cha upasuaji moyo wakiendelea na upasuaji moyo.

Jopo la Watalaam wakifurahi baada ya kumaliza upasuaji kwa ufanisi na mgonjwa kupelekwa chumba maalumu (ICU).

Mtoto Cherish Chatama akifurahi baada kusalimiwa na Mh. Waziri wa Afya na Ustawi wa Jamii Dkt. Seif Rashid ambapo pembeni yake ni mama Cherish

Mtoto Michelle Colila (5) akifurahi baada kusalimiwa na Mh. Waziri wa Afya na Ustawi wa Jamii Dkt. Seif Rashid ambapo pembeni yake ni mama Michelle.